• Að vera öðruvísi

    Að vera öðruvísi

    Sem útvarpsstöð er Lindin svolítið sér á parti. Og þannig viljum við hafa það. Stöðin aflar ekki tekna með sölu auglýsinga, heldur er hún rekin fyrir trúfesti fjölmargra kristinna einstaklinga sem vilja að Guðs Orð heyrist dag og nótt á öldum ljósvakans.

    • Það er nefnilega gaman að vera öðruvísi.

     

    Meira....
  • Tækjakaup á næsta leyti

    Tækjakaup á næsta leyti

    Við þökkum hlustendum fyrir frábærar viðtökur í haustfjáröfluninni. Við erum komin upp í 2,1 mkr sem er yfir markmiðinu sem við settum okkur. Nú getum við ráðist í tækjakaup og græjað okkur upp eins og Lindinni sæmir.

    Enn eru 908-númerin þó virk og verða það til 15. nóvember, ef þér hugnast að hringja til okkar smá pening:

    908-1103 gefur 3.000 kr.
    908-1105 gefur 5.000 kr.
    908-1107 gefur 7.000 kr.

    Meira....
  • 900 númer

    900 númer

    Nú bjóðum við hlustendum að hringja í 900-númer og styrkja Lindina.

    Klárum lokahnykkinn á fjáröfluninni. Við erum komin upp í 1,6 milljónir og þurfum aðeins um 400 þkr í viðbót, til að ná upp í 2,0 milljónir, sem var markmiðið.

    Með því að hringja í eitt af númerunum hér til vinstri, þá skuldfærist samsvarandi upphæð á símreikninginn þinn. Allt til styrktar Lindinni.

    Meira....
  • Gjafalistinn

    Gjafalistinn

    Það styttist í afmælisviku Lindarinnar, sem haldin verður með pompi og pragt dagana 1.-6. mars. Listinn með þeim gjöfum sem hlustendur hafa fært Lindinni er aðgengilegur hér.

    Meira....

Lindin leggur áherslu á vandaða og fjölbreytta dagskrá. Við þjónum hlustendum með fræðandi kristilegu efni sem nærir og eflir á göngunni með Guði. Til þess að þetta sé mögulegt byggjum við starfið á dagskrárgerðarfólki og öðrum sjálfboðaliðum sem gefa af tíma sínum og hæfileikum.

Við leitum að fleiri sjálfboðaliðum til starfa.  Að neðan eru nokkur að þeim verkefnum sem við þurfum aðstoð með;

Símavarsla. Daglega hringja hlustendur í Lindina með bænarefni. Okkur vantar aðila í símaþjónustu einn morgun í viku, frá kl. 9 til 11 til að taka niður bænarefni fyrir bænastundina sem er á hverjum virkum morgni kl. 10:30.  (2 klst. á viku)

Erlendar fréttir. Gaman væri að setja í loftið vikulegan fréttapistil, 4-8 mín að lengd, með athyglisverðum erlendum fréttum sem tengjast kristinni trú.  Aðila vantar til að velja, þýða og útbúa slíkt fréttaefni.  (5 klst á viku)

Þrif. Okkur vantar fúsar hendur til að sinna þrifum á skrifstofu Lindarinnar.  (3 klst. á mánuði)

Klippivinna. Aðstoðar er þörf við að klippa upptökur og þætti. Ef þú ert tölvuglögg(ur) og þolinmóð(ur), þá getum við kennt þér á klippiforritið.

Þáttagerð. Ávallt er þörf fyrir gott dagskrárgerðarfólk sem hefur ástríðu fyrir því að Orð Guðs heyrist í samfélaginu, talar skýrt og temur sér vandað íslenskt mál.  (4 klst. á viku)

Heimasíðan, Facebook og Instagram. Við þurfum aðstoð við að setja efni á samfélagsmiðla. Þessir miðlar bjóða upp á gríðarlega möguleika til að ná til fólks með Guðs Orð.  Ertu ungur/ung og hefur ástríðu fyrir því að koma uppbyggjandi boðskap á framfæri til fólks?  Þá er samstarf við Lindina kannski eitthvað fyrir þig  (getur verið allt frá 2 til 10 klst. á viku).

Ert þú með hugmynd?  Lumar þú á verkefni sem Guð er að banka í þig með að framkvæma? Ef svo er þá erum við til í að heyra frá þér.

Ef þú hefur tök á að taka eitthvert ofangreindra verkefna að þér þá getur þú fyllt út formið hér á vefsíðunni. Þú slærð inn lykilorðið “Lindin123” og þá kemstu inn í formið.  Þú getur líka hringt og spjallað við okkur í síma 567-1818. Við höfum ekki tök á að greiða laun fyrir þessi störf, en ef þú hefur hjarta fyrir því að þjóna til samfélagsins gegnum rekstur Lindarinnar, þá hefðum við gaman af að heyra frá þér.

Að þjóna á Lindinni er að þjóna í ríki Guðs. Öll höfum við náðargáfu, hvert og eitt. Við eigum að nota þær Guði til dýrðar, eins og fram kemur í fyrra Pétursbréfi 4.10-11:

 „Sérhvert ykkar hefur fengið náðargáfu. Notið þær og þjónið hvert öðru eins og góðir ráðsmenn margvíslegrar náðar Guðs. Sá sem talar flytji Guðs orð, sá sem þjónar sýni að Guð gefi máttinn til þess. Verði svo Guð vegsamaður í öllum hlutum fyrir Jesú Krist …“

Kærleikskveðja,

Hafsteinn Gautur Einarsson, útvarpsstjóri

 


    Lindin mín

    App Lindarinnar hefur fengið frábærar viðtökur. Það er notað 1.100 sinnum að meðaltali í hverjum mánuði. Svo hlusta margir á dagskrá Lindarinnar í beinni í gegnum appið.

    Smelltu á myndina að ofan til að eignast þína eigin Lind.

    Gjafalistinn

    Það styttist í afmælisviku Lindarinnar, sem haldin verður með pompi og pragt dagana 1.-6. mars. Listinn með þeim gjöfum sem hlustendur hafa fært Lindinni er aðgengilegur hér.

    Lindin, kristið útvarp │ Krókhálsi 4 │ 110 Reykjavík │ kt. 691194-2729 │ S: 567-1818 │ lindin@lindin.is