Salur til leigu

Lindin hefur sal til afnota fyrir kristilegt starf. Miðrýmið er 43 fm að stærð. Lindin er til húsa að Krókhálsi 4 í Reykjavík, 3. hæð. Gengið er upp stiga um eina hæð. Ekki er lyfta í húsinu.

Rýmið var nýlega standsett (2024), málað og með nýtt vínylparket á gólfum. Til staðar er sýningartjald, skjávarpi, magnari og 5 hátalarar sem gerir kleift að halda samkomur, lofgjörðarstundir, námskeið, fyrirlestra, beinar útsendingar, myndatökur, bíósýningar og jafnvel stúdióvinnu með leikmynd. 40 stólar eru til staðar en sá fjöldi kemst þægilega fyrir í rýminu. Salurinn er laus til afnota á kvöldin og um helgar og er þá aðgangur að eldhúsi innifalinn, með kaffivél og borðbúnaði. Því miður er ekki lyfta í húsinu og því ekki aðgengi fyrir hjólastóla.

Gjaldskrá:

Leiga í eitt skipti: 24.000 kr.
Mánaðarleiga 65.000 kr. (afnot í allt að 5 skipti)

Skilyrði er að vel sé gengið frá salnum og húsnæðinu eftir notkun.

Salurinn fæst ekki leigður fyrir matarveislur eða partý.

Sendið okkur póst á hafsteinn@lindin.is, eða hringið í síma 567-1818, ef þið hafið áhuga.