FÆRSLUR Á FACEBOOK
Kæru hlustendur. Lindin er að detta í sumarfrí!
Hefð er fyrir því að Lindin fari í sumarfríi fyrstu þrjár vikurnar í júlí, nánar tiltekið 1.-21. júlí og þannig verður það líka þetta sumarið. Skrifstofan opnar svo aftur miðvikudaginn 22. júlí.
Kannski er réttara að orða það þannig að starfsfólkið fari í frí, en ekki Lindin, því Lindin verður í loftinu þessar þrjár vikur 24/7. Tölvan sér um að spila tónlist og stef allan sólarhringinn. Hins vegar verður enginn „í beinni“, enginn Boðskapur dagsins og kvöldbænastundirnar falla niður þessar 3 vikur. Ekki verður heldur neinn á skrifstofunni til að svara í símann, eða hella upp á kaffi.
Við óskum hlustendum gleðilegs sumars og vonum að þið njótið hvíldar og slökunar með fjölskyldu og vinum. Þið eruð mikilvægur hluti Lindarinnar því ekki væri mikið vit í að varpa boðskapnum út á öldur ljósvakans en enginn væri hlustandinn. Við erum í þjónustu við ykkur.
Sumarkveðja frá starfsmönnum, stjórn og dagskrargerðarfólki.
Hafliði Kristinsson var gestur Bjargar Lárusdóttur í þætti hennar Guð í daglegu lífi sem var kl 11 í morgun. Þátturinn er endurfluttur á laugardaginn kl 17 og sunnudaginn kl 20
Þáttinn er einnig aðgengur í appi Lindarinnar. Hægt að smella á linkinn hér fyrir neðan til að hlusta á þáttinn.
subsplash.com/u/lindin/media/d/nz6pdt4-haflidi-kristinsson?autoplay
Nú fer hver að verða síðastur að skrá sig í sumarferð Lindarinnar sem farin verður laugardaginn 6. júní. Smellið á krækjuna að neðan fyrir nánari upplýsingar og skráningu.
lindin.is/sumarferd/
