Á sumardaginn fyrsta bjóðum við sumarið velkomið með bænagöngu. Gengið verður og beðið á yfir 20 stöðum á landinu. Bænagangan er árlegur viðburður, ávallt á sumardaginn fyrsta en þá njótum við útiveru saman og umvefjum landið okkar í bæn. Við tökum fyrir ákveðin málefni sem okkur eru hugleikin og snerta samfélagið. Njótum félagsskapar hvors annars á sama tíma og fögnum komandi sumri.
Með því að smella á hlekkina að neðan þá opnast yfirlitsblöð með upplýsingum um hvern göngulegg fyrir sig, ásamt upphafstímum hverrar göngu. Blöðin er hægt að prenta út og taka með sér. Bænagangan er opin öllum og nýtt fólk er hjartanlega velkomið. Bara að mæta á upphafspunkt og hefja göngu og bæn í góðra manna hópi. Gönguhópar í Reykjavík leggja af stað stundvíslega klukkan 09:30 um morguninn. Þegar allir gönguhópar hafa náð lokapunkti þá höfum við gengið hringinn í kringum höfuðborgarsvæðið á táknrænan hátt, eins og sjá má á myndinni.
Eftir gönguna eða um kl. 11:30 hittast hópar úr Reykjavík í matsal Fíladelfíu, Hátúni 2 í Reykjavík, fyrir léttan hádegisverð og samfélag. Á landsbyggðinni fer það eftir hverjum stað fyrir sig, hvernig hittingum er háttað.
Smellið hér til að sjá gönguleggi á höfuðborgarsvæðinu.
Smellið hér til að sjá gönguleggi á landsbyggðinni.
Frekari upplýsingar fást hjá þeim sem halda utan um skipulag og undirbúning; Björn Hólm 867-5133 og Hafsteinn 893-9702.
About The Author
